Shkencëtarët kanë zbuluar misterin e flokëve të kuq. Sipas tyre janë tetë gjene të lidhura me këtë lloj flokësh. Studimi i udhëhequr nga Universiteti i Edinburgut është përshkruar si studimi më i madh gjenetik i ngjyrës së flokëve deri tani. Më parë ishte menduar që flokët e kuq kontrolloheshin nga një gjen i vetëm, MC1R, me versione të të dhëna nga të dy prindërit.
Ndërkohë ekipi kishte ekzaminuar ADN-në nga pothuajse 350,000 njerëz në Mbretërinë e Bashkuar. Kur krahasuan flokët e kuqe me njerëz me flokë ngjyrë kafe ose të zezë, shkencëtarët identifikuan tetë dallime gjenetike të panjohura që janë të lidhura me flokët e kuq.
Profesor Albert Tenesa, nga Instituti Roslin i Universitetit, tha: “Jemi shumë të kënaqur që kjo punë ka zbuluar pjesën më të madhe të variacionit gjenetik që kontribuon në dallimet në ngjyrën e flokëve tek njerëzit”.
